【自製浪漫歌單】

又到一年一度情人節,與其要搞啲咩大龍鳳去諗點慶祝,不如留喺屋企簡單製造下浪漫氣氛。我哋揀咗幾首唔係一味死甜嘅歌畀大家去迎接情人節,即使唔睇歌詞都可以感受下個旋律,等無論有冇情人嘅你都啱聽~




Crazy - Hope Tala

現代人遇上心儀對象都會考慮麵包同愛情,人一世物一世,如果瘋狂啲唔好理咁多,可能最後都可以開花結果,因為未來永遠係令你意想不到。


Good friend song - Layton Wu

發下白日夢、Share下啲Meme、食下雪糕⋯⋯生活就係如此乏味,看似無趣,但係知道背後有對方喺度,一切都變得有意義。


Lovely - everfor

雖然成首歌歌詞得3個字: This、is 、lovely,但其實愛情就係咁簡單。


Only You Know - Soft Pine

拍拖就係會願意畀對方知道一切其他人未必知嘅嘢,坦露最真實嘅自己。無論經歷緊嘅嘢幾差,只要對方明白就足夠。


夏日最美的三十張拍立得相片 - 椅子樂團

由青春嘅19年講到60歲,用夏天嘅世界各地嘅景色嚟帶出同對方相處嘅美好時光,就好似30張夏天影嘅即影即有咁,等待嗰一刻出現,感受嗰一刻,然後留住嗰一刻。


I Found Her - Faime

難得可以喺呢個地球偶遇,就要好好珍惜同另一半嘅時光,無論幾耐都唔少得儀式感㗎。