【 賀歲片Inspiration:《嚦咕嚦咕新年財》 】| 教你著得唔Hea🀄

🀄 新年活動除咗拜年梗係唔少得打牌,《嚦咕嚦咕新年財》嘅劇情唔使多講,相信大家都耳熟能詳,反而想講下入面嘅Outfit!唔好以為佢只係嗰啲喜氣洋洋舊賀歲片,其實佢入面嘅Outfits全部都好畀心機襯,主角好睇之餘,連後面啲MK仔套衫都交足戲,造型同副牌一樣咁靚,仲要好Timeless添,下次開套戲嚟睇除咗學牌品,都可以學埋襯衫!




p.s 打牌Tips:打牌最緊要係咩?係牌品!之所以話「人品好,牌品自然好。」只要輸錢試下唔好發脾氣,保持心境平靜,副牌幾爛都總會有「老友」加持!勸大家副牌一開,幾爛都好,記得畀心機打,保持笑容,麻雀回來必有因。只要對副牌好,副牌自然會對你好。做人都一樣,祝大家虎年副牌愈嚟愈好!