【 MV Inspiration:本地MV的穿搭指南 】


近呢大半年,樂壇熱鬧到唔止Keep住出新歌,仲出產咗唔少好睇嘅MV,歌好聽、拍得好睇之餘,其實仲可以學下襯衫。睇返香港人平時嘅衣著習慣一向偏沉或者素色系,有時著得Sharp少少反而會畀人話「著到隻雀」咁,但係著靚啲只係想自己開心啲、自信啲,唔需要因為人哋嘅目光而限制自己。而MV就可以好好咁拿捏到浮誇同Casual嘅平衡,唔好以為喺MV出現嘅Outfit就一定係浮誇到唔著得出街。我哋今次Inspiration就揀咗5個MV,5套值得我哋參考嘅Outfit,有彩色亦有黑白,平時出街諗唔到點襯嘅你,平時除咗係串流平台聽歌之外,不妨可以睇埋MV攞下靈感,只要敢著上身,套衫就係你嘅。